Listahan ng dadalhin:
Ngayong umaga, magbabaon ako
Ng isang kahang lakas ng loob
upang maikubli ang nanginginig kong buto
Isang tasang kape
kung saan lulunurin ang puyat
Isang malaking bag
na sisidlan ng pagod
Isang pudpod na tsinelas
na papasan ng aking bigat
Isang panyo
para sa pawis
Isang kurba ng ngiti
sa matamlay kong mukha.
Mamayang gabi, mag-uuwi ako
ng isang kamang antok
isang bag ng basura
isang pudpod na tsinelas
isang basong pawis
isang mukhang puno ng alikabok
at isang panyong puno ng paumanhin.
-d.n. julian
No comments:
Post a Comment